सान एन्टोनीयोमा रामकृष्ण ढकालकासाथ दसैँ मनाइदै

Home / News / सान एन्टोनीयोमा रामकृष्ण ढकालकासाथ दसैँ मनाइदै

सान एन्टोनीयोमा रामकृष्ण ढकालकासाथ दसैँ मनाइदै

सान एन्टोनीयोमा रामकृष्ण ढकालकासाथ दसैँ मनाइदै

सान एन्टोनीयोबासी नेपालीहरूले यसपालिको बडा दसैँ नेपालका बहुचर्चित गायक रामकृष्ण ढकालका साथ भव्य रूपमा मनाउने भएका छन् । सान एन्टोनीयो नेपाली सङ्घ (साना)ले आउँदो आइतबारका लागी आयोजना गरेको सांस्कृतिक कार्यक्रममा ढकालका साथै स्थानीय कलाकारहरूको प्रस्तुति रहनेछ ।

कार्यक्रममा दसैँ तथा तिहारको शुभकामना आदान प्रदान, भेटघाट, ठुलाबडाका हातबाट टिका थाप्ने जस्ता क्रियाकलापको योजना रहेको सानाका अध्यक्ष विवेक राजबाहकले जानकारी दिनुभयो । कार्यक्रमका लागी ठेट नेपाली शैलीमा पाक्ने सेलरोटी, खसीको मासु, लगायत विभिन्न पक्वानले नेपाली चाडबाडको न्यानो अनुभूति दिने विश्वास अध्यक्ष राजबाहकको रहेको छ ।

नेपाली सङ्गीतमा ख्यातीप्राप्त गाएक ढकालले कार्यक्रममा ओराली लागेको, चिटको गुन्यु, तिम्रो आगमनले, नजिक आउनुमा, रिसाउँदा नि आफ्नै जस्ता चर्चित गीतहरू गाउनुहुने छन् ।

बेलुका ५ बजेपछि सुरु हुने कार्यक्रममा नेपाली पहिरनमा सहभागिता जनाई कार्यक्रमलाई अझ भव्य बनाइदिन सानाले सान एन्टोनीयोबासी नेपाली हरुमा आग्रह गरेको छ ।

२०७२ सालको भूकम्पपछि स्थापना भएको सानाले नेपालीहरूका निमित्त सक्रिय रूपमा विभिन्न कार्यक्रम गर्दै आएको छ । कार्यक्रमबाट भएको नाफालाई सानाले समाजसेवामै लगाउने प्रतिबद्घता आयोजकले व्यक्त गरेका छन् ।

Source: http://www.brtnepal.com/?p=25765

Leave a Reply

Your email address will not be published.